Şahin Diniyev: "Futbolçuların üstünə çox getmək də doğru deyil" – AÇIQLAMA
"Bu mundial həm təşkilati məsələlərdə, həm formatında, həm də üç fərqli ölkədə keçirilməsinə görə tam fərqlidir. Üstəgəl, çox yeniliklər var. Komanda sayının 48 olmasını da xüsusi qeyd etmək istərdim. FIFA-nın qərarlarına hörmətlə yanaşıram, həqiqətən də futbolun kütləviləşməsi yolunda müsbət addımlar görürük".
Bu sözləri Pressing.az-a DÇ-2026 ilə bağlı fikirlərini bölüşən Azərbaycan millisinin sabiq baş məşqçisi Şahin Diniyev deyib. Mütəxəssis Türkiyə yığmasının uğursuz çıxışı haqda da danışıb:
"Türkiyə mundialdakı çıxışı ilə türk dünyasını məyus etdi. Amma futbolçuların üstünə çox getmək də doğru deyil. Hər komandanın başına gələ biləcək bir işdir. Bu o Türkiyədir ki, 24 ildən sonra dünya çempionatına vəsiqə qazanıb. Təbii ki, gözləntimiz böyük idi. Həm də bir millətik. Çox istərdik ki, qardaş ölkə uğurları ilə bizi sevindirsin. Təəssüf ki, Türkiyənin uğursuzluğu türk dünyasının mundiala olan marağınının azalmasına gətirib çıxardı. Düzdür, DÇ-də Özbəkistan da var. Lakin onların da şansının az olduğunu düşünürəm. Demək olar ki, iki turdan sonra dünya çempionatı artıq bəzi millilər üçün bitib.
Türkiyə futbolçu, səviyyə baxımından heç də rəqiblərindən geri deyildi. Ancaq reallıq var. Parlaq oyunun yoxdursa, gec-tez uğursuzluğa düçar olursan. Səbəblər çoxdur və bunu baş məşqçi daha yaxşı bilir, görür. Əgər Avstraliya və Paraqvay milliləri ilə oyunlarda məğlub olursansa, bu, bur növ mundiala getməyin də artıq olduğunu göstərir. Deyərdim ki, qrupdakı rəqiblər Türkiyənin "dişinə" görə idi. Lakin həm müdafiə, həm də hücum xəttindəki boşluqlar özünü göstərdi. Gələcəkdə Türkiyə yığmasına uğurlar arzu edirəm".
Daşqın Əziz
Bu sözləri Pressing.az-a DÇ-2026 ilə bağlı fikirlərini bölüşən Azərbaycan millisinin sabiq baş məşqçisi Şahin Diniyev deyib. Mütəxəssis Türkiyə yığmasının uğursuz çıxışı haqda da danışıb:
"Türkiyə mundialdakı çıxışı ilə türk dünyasını məyus etdi. Amma futbolçuların üstünə çox getmək də doğru deyil. Hər komandanın başına gələ biləcək bir işdir. Bu o Türkiyədir ki, 24 ildən sonra dünya çempionatına vəsiqə qazanıb. Təbii ki, gözləntimiz böyük idi. Həm də bir millətik. Çox istərdik ki, qardaş ölkə uğurları ilə bizi sevindirsin. Təəssüf ki, Türkiyənin uğursuzluğu türk dünyasının mundiala olan marağınının azalmasına gətirib çıxardı. Düzdür, DÇ-də Özbəkistan da var. Lakin onların da şansının az olduğunu düşünürəm. Demək olar ki, iki turdan sonra dünya çempionatı artıq bəzi millilər üçün bitib.
Türkiyə futbolçu, səviyyə baxımından heç də rəqiblərindən geri deyildi. Ancaq reallıq var. Parlaq oyunun yoxdursa, gec-tez uğursuzluğa düçar olursan. Səbəblər çoxdur və bunu baş məşqçi daha yaxşı bilir, görür. Əgər Avstraliya və Paraqvay milliləri ilə oyunlarda məğlub olursansa, bu, bur növ mundiala getməyin də artıq olduğunu göstərir. Deyərdim ki, qrupdakı rəqiblər Türkiyənin "dişinə" görə idi. Lakin həm müdafiə, həm də hücum xəttindəki boşluqlar özünü göstərdi. Gələcəkdə Türkiyə yığmasına uğurlar arzu edirəm".
Daşqın Əziz
