Azərbaycan milli komandası sabah yoldaşlıq oyunu çərçivəsində Haiti yığması ilə qarşılaşacaq.

Pressing.az xəbər verir ki, oyundan bir gün əvvəl keçirilən mətbuat konfransına Azərbaycan millisinin müdafiəçisi Bəhlul Mustafazadə də qatılıb.

Mustafazədə sabah keçiriləcək oyunla bağlı fikirlərini bölüşüb:

“Haiti millisi bizə o qədər də tanış komanda olmasa da, hazırlığımız zamanı oyunlarını izləmişik. Yaxşı oyunçuları var. İnanıram ki, maraqlı oyun alınacaq. Komandada atmosfer yaxşıdır. Yeni gələnlərin hər biri çox istəkli və həvəslidir. Ümumi götürdükdə, təcrübəli oyunçular da yeni gələnlərin adaptasiyasına köməklik edir. Düşünürəm ki, hər şey qaydasındadır. Çox istəyirik ki, sabah qələbə qazanaq”.

Saat 21:45-də start götürəcək Azərbaycan – Haiti matçı Mehdi Hüseynzadə adına Sumqayıt şəhər stadionunda keçiriləcək.