Azərbaycan və Haiti yığma komandaları arasında keçiriləcək yoldaşlıq görüşünün başlama vaxtı müəyyənləşib.

Pressing.az xəbər verir ki, bu barədə AFFA-nın saytı məlumat yayıb.

Martın 22-də Mehdi Hüseynzadə adına Sumqayıt şəhər stadionunda təşkil olunacaq oyuna saat 21:45-də start veriləcək.

Qeyd edək ki, millimiz martın 25-də, saat 21:45-də Belarus yığması ilə yoldaşlıq görüşü keçirəcək.