"Neftçi" - "Spartak" oyununun saatı açıqlanıb
Yoldaşlıq Oyunları
18-03-2024, 13:20
"Neftçi" ilə Rusiyanın "Spartak" klubu arasında Bakıda keçiriləcək yoldaşlıq oyununun saatı məlum olub.
Pressing.az xəbər verir ki, bu barədə "Neftçi"nin mətbuat xidməti məlumat yayıb.
Martın 23-də "Neftçi Arena"da keçiriləcək görüş saat 18:00-da başlayacaq. Moskva klubu ilə oyuna biletlərin tezliklə satışa çıxacağı bildirilib.
Qeyd edək ki, ötən il iyulun əvvəlində komandalar Moskvada yoldaşlıq oyunu keçirib. Sözgedən matçda "Neftçi" "Spartak"a 0:2 hesabı ilə uduzub.