“Neftçi” klubunun baş məşqçisi Samir Abasov Misli Premyer Liqasının 26-cı turu çərçivəsində “Turan-Tovuz”a qarşı keçirdikləri oyun haqda danışıb.

Pressing.az xəbər verir ki, o, 1:1 hesablı heç-heçəni belə şərh edib:

“Rəqib azlıqda qalmamışdan əvvəl də oyuna yaxşı başlamışdıq. İstədiyimizi futbolçular yerinə yetirirdilər. Sürət, dinamika var idi. Rəqib çox adamla müdafiə olundu və bu bunu yarmaq bizə çətinlik törətdi. İkinci hissədə daha istəkli çıxış etdik. Oyunun əvvəlində 10 nəfərə qarşı hazırlaşmırsan. Rəqibin 10 nəfərlə də, 11 nəfərlə də eyni oynadığını gördükdə, planlar olduğu kimi gedir. Çempionatdan əsla qopmamışıq. Həm çempionata, həm də kuboka köklənmişik. Oyunçularımız istədiyimiz oyunu göstərir və belə davam etmək istəyirik. Elə anlar olur ki, orada sən qərar verməlisən. Biz bu gün udmaq üçün hər şeyi etdik. Daha artığını etməyimizi istəyirsinizsə, bu ani olacaq bir şey deyil. Bu qol bir az bizi üzdü. Çalışırıq ki, oyunun pozitiv hissələrini özümüzə götürək. Düşünürəm ki, komandam sona kimi döyüşdü. Xarakteri olmayan komanda bunu necə edə bilər? Yaxşı xarakterimiz var və daha da yaxşısını edəcəyik. Başa düşməlisiniz ki, 5 xallı komandanı götürüb qaldırmaq asan deyil. Bu da bizim yaxşı tərəflərimizdir. Yalnız “Neftçi”nin ətrafında mənfilik axtarırsınızsa, bunun sonu yoxdur. Bu komandanın oyun üslubu belədir. Bunu daha yaxşı formalaşdırmaq üçün daha kreativ oyunçulara ehtiyacımız var”.