“Qarabağ” klubu Julio Romao ilə yollarını ayırıb.

Pressing.az xəbər verir ki, bu barədə Ağdam təmsilçisinin yaydığı açıqlamada bildirilib.

26 yaşlı braziliyalı yarımmüdafiəçi ilə müqaviləyə qarşılıqlı razılaşma ilə xitam verilib.

2022-ci ildən Ağdam komandasında çıxış edən Romao 120 oyunda 2 qol vurub. O, 2022/23 və 2023/24 mövsümlərində Azərbaycan çempionu, 2023/24 mövsümündə ölkə kubokunun qalibi olub.

Romaonun karyerasını Macarıstanın "Ferensvaroş" klubunda davam etdirəcəyi gözlənilir.