Xəbər lenti

“Qarabağ” klubunun qış hazırlıq planı müəyyənləşib.

Pressing.az xəbər verir ki, Ağdam təmsilçisi 2024/25 mövsümünün ikinci yarısına hazırlığı Bakıda keçirəcək.

Misli Premyer Liqasının 18-ci turunun “Araz-Naxçıvan”la dekabrın 22-də baş tutan oyunundan (2:0) sonra istirahətə buraxılan futbolçular 2025-ci ilin yanvarın 3-də bir araya gələcəklər.

Ağdam təmsilçisinin hazırlıq prosesi “Azersun Arena”dakı təlim-məşq bazasında baş tutacaq.

Bakıdakı toplanış çərçivəsində iki yoxlama oyunu keçiriləcək. Komanda yanvarın 9-da “Kəpəz”, üç gün sonra “Zirə” ilə üz-üzə gələcək.