"Kəpəz"in də qış hazırlıq planı bəlli oldu

"Kəpəz" klubunun 2024-2025-ci illər mövsümünün qış fasiləsindəki hazırlıq planı müəyyənləşib.

Pressing.az xəbər verir ki, "Sarı-göylər" yanvarın 2-də Gəncədə bir araya gələcəklər. "Kəpəz" Məşq Mərkəzində bir həftəlik təlim-məşq toplanışı keçirəcək.

Çempionata hazırlıq müddətində yoxlama oyunları da nəzərdə tutulub. Rəqiblərdən biri artıq məlumdur. Komanda yanvarın 9-da "Qarabağ" ilə qarşılaşacaq. Matç Bakıda olacaq.

Qeyd edək ki, "Kəpəz" hazırda Misli Premyer Liqasının turnir cədvəlində 11 xalla 9-cudur.