"Turan Tovuz" "Qarabağ"a, "Neftçi" "Araz-Naxçıvan"a qarşı

Bu gün Misli Premyer Liqasında 12-ci tura start veriləcək.

Pressing.az xəbər verir ki, ilk gündə 2 matç keçiriləcək. Əvvəlcə "Turan Tovuz" öz meydanında son çempion "Qarabağ"la qarşılaşacaq. Oyun saat 18:30-da başlayacaq.

Hazırda turnir cədvəlində "Qarabağ" 27 xalla liderdir. Ağdam təmsilçisinin ehtiyatda 1 oyunu da var. "Turan Tovuz" isə 24 xalla 2-cidir. Ona görə də bu komandaların qarşılaşacağı matç maraqla gözlənilir.

Günün 2-ci görüşündə isə "Araz-Naxçıvan" "Neftçi" ilə üz-üzə gələcək.

Qeyd edək ki, 12-ci turun digər görüşləri 2 və 3 noyabr tarixlərində keçiriləcək.

1 noyabr

18:30. “Turan Tovuz” – “Qarabağ”

Hakimlər: Əliyar Ağayev, Zeynal Zeynalov, Akif Əmirəli, Əli Əliyev

Tovuz şəhər stadionu

20:30. “Neftçi” – “Araz-Naxçıvan”

Hakimlər: Rəşad Əhmədov, Kamran Bayramov, Müslüm Əliyev, Elvin Bayramov

"Neftçi Arena"