Bu gün Misli Premyer Liqasında 7-ci tur start götürəcək.

Pressing.az xəbər verir ki, ilk gündə 2 matç keçiriləcək. Əvvəlcə "Kəpəz" "Şamaxı" ilə qarşılaşacaq. Matç saat 17:00-da başlayacaq.

Günün 2-ci oyununda "Azersun Arena"da əzəli rəqiblər üz-üzə gələcək. Azərbaycan derbisində son çempion "Qarabağ" "Neftçi"ni qəbul edəcək. Görüş saat 20:00-da başlayacaq. Hazırda "Qarabağ" turnir cədvəlində 2-ci, "Neftçi" isə 9-cudur. “Qarabağ” ardıcıl 5 qələbə qazanıb, “Neftçi” 12 görüşdür qalib gəlmir. Buna baxmayaraq, Azərbaycan derbisi maraqla gözlənilir.

Qeyd edək ki, tura 21 və 22 sentyabr tarixlərində keçiriləcək oyunlarla yekun vurulacaq.

20 sentyabr

17:00.“Kəpəz” – “Şamaxı”
Hakimlər: Cavid Cəlilov, Müslüm Əliyev, Kamran Bayramov, Nicat İsmayıllı
Tovuz şəhər stadionu

20:00. “Qarabağ” – “Neftçi”
Hakimlər: Əliyar Ağayev, Zeynal Zeynalov, Akif Əmirəli, Əli Əliyev
Azərsun Arena