Bu gün UEFA Çempionlar Liqasında birinci təsnifat mərhələsinin cavab oyunlarına start verilir.

Pressing.az xəbər verir ki, bu mərhələnin "Linkoln" (Cəbüllütariq) - "Hamrun" (Malta) cütünün qalibi ikinci raundda Azərbaycan çempionu "Qarabağ"ın rəqibi olacaq.

Cəbüllütariq təmsilçisi ötən həftə Maltadakı səfər matçında 1:0 hesabı ilə qələbə qazandıb. Odur ki, bu komandanın növbəti mərhələyə adlamaq şansı daha yüksək qiymətləndirilir.

Oyun Bakı vaxtı ilə saat 20:00-da başlanacaq. Görüşü Fransa Futbol Federasiyasından Erik Vattellyenin başçılıq etdiyi hakimlər briqadası idarə edəcək.

Qeyd edək ki, "Qarabağ" ikinci təsnifat mərhələsində ilk matçı səfərdə (23 və ya 24 iyul), cavab görününü Bakıda (30 iyul) keçirəcək. Hazırda Ağdam təmsilçisi Avstriyanın Tirol bölgəsində təlim-məşq toplanışındadır.