"Neftçi" klubunun futbolçusu Azər Salahlı cəzalı duruma düşüb.

Pressing.az xəbər verir ki, buna səbəb 29 yaşlı müdafiəçinin Misli Premyer Liqasının 20-ci turunda "Sabah"la görüşdə sarı vərəqə ilə cəzalandırılmasıdır. O, 21-ci turda "Sumqayıt"la görüşü buraxacaq.

Qolkiper İvan Brkiç, hücumçu Kilian Lebon və yarımmüdafiəçi Ataa Caaberin isə "Sumqayıt"la matçda iştirak etməyəcəyi bəlli idi. Zədəli olan Brkiç müalicə prosesini davam etdirir. Bir müddətdir zədədən əziyyət çəkən Kilan Lebon hələ də fərdi olaraq hazırlaşır.

Asiya kobokunda Fələstin milli komandası ilə çıxışını başa vuran Ataa Caber müalicə olunur.

Qeyd edək ki, sabah keçiriləcək “Sumqayıt” – “Neftçi” oyunu saat 15:00-da başlayacaq.