"Neftçi" klubunun futbolçusu Ataa Caber İsrail hökumətinin qəzəbinə tuş gəlib.

Pressing.az xəbər verir ki, buna səbəb Fələstin millisinin üzvünün Qəzza üçün təşkil olunan 1 dəqiqəlik sükutda iştirak etməsidir.

Fələstin millisinin Livanla keçirdiyi oyundan öncə Qəzzada İsrailin hücumu nəticəsində həlak olan insanların xarirəsi yad edilib. Ataa Caber də komanda yoldaşları ilə birlikdə həmvətənlərini yad edib.

29 yaşlı yarımmüdafiəçi həm də İsrail vətəndaşıdır. O, bu ölkənin U-21 millisinin formasını geyinib.

İsrailin mədəniyyət və idman naziri Miki Zohar Caberin vətəndaşlığının ləğv edilməsini istəyib. O, futbolçunu düşməni dəstəkləməkdə ittiham edib. Miki Zohar "Neftçi"nin yarımmüdafiəçisinin vətəndaşlıqdan çıxarılması üçün daxili işlər naziri Moşe Arbelə məktub yazıb.