“Neftçi” klubunun yarımmüdafiəçisi Ataa Caber Fələstin yığmasında növbəti matçına çıxıb.

Pressing.az xəbər verir ki, o, DÇ-2026-nın seçmə mərhələsində Livana qarşı keçirilən oyunda iştirak edib.

Meydana start heyətində çıxan Caber 90 dəqiqə meydanda olub.

Qətərin paytaxtı Dohada keçirilən görüş 0:0 hesabı ilə yekunlaşıb.

Qeyd edək ki, hazırda Fələstin yığması 8 xalla İ qrupunda 2-ci pillədə qərarlaşıb. Son turun nəticəsindən asılı olmayaraq Caberin komandası qrup ikincisi kimi növbəti mərhələyə vəsiqəni təmin edib. Avstraliya millisi 15 xalla qrupda birinci, Livan 3 xalla üçüncü, Banqladeş isə 1 xalla dördüncüdür.