"Qəbələ" "Kəpəz"ə uduzdu

Mövsümün ikinci yarısı üçün hazırlıqları davam etdirən "Qəbələ" və "Kəpəz" bu gün yoxlama oyununda qarşılaşıblar.

Pressing.az xəbər verir ki, Qəbələ şəhər stadionunda keçirilən oyun "Kəpəz"in 2:1 hesablı qələbəsi ilə başa çatıb.

Qeyd edək ki, "Qəbələ" toplanış çərçivəsində daha bir yoxlama matçı keçirəcək. Komanda yanvarın15-də “Araz-Naxçıvan”la üz-üzə gələcək. Eyni gündə "Kəpəz" "İmişli" ilə qarşılaşacaq.

"Kəpəz" hazırda Misli Premyer Liqasının turnir cədvəlində 14 xalla 9-cu, eyni xalı olan "Qəbələ" isə sonuncu - 10-cudur.

Yoxlama oyunu

14:00. "Qəbələ" - "Kəpəz" - 1:2

Qollar: Ülvi İsgəndərov, 13 (1:0), Georgi Papunaşvili, 25 (1:1), Murad Musayev, 32-avtoqol (1:2)

Qəbələ şəhər stadionu