Mətbuatda "Turan Tovuz"un İdarə heyətinin rəhbəri Ehtiram Quliyevin AFFA prezidentliyinə namizədliyini irəli sürəcəyi ilə bağlı iddialar yayılıb.

Pressing.az xəbər verir ki, Quliyev bu mövzuya aydınlıq gətirib. Jurnalistlərə açıqlama verən klub rəhbəri iddianı qətiyyətlə təkzib edib:

"Əsla. Mətbuatda yazılanları gülərək qarşıladım. Bizim namizədliyimiz müzakirə mövzusu ola bilməz. Çünki, vaxtımız yoxdur. AFFA prezidenti olmaq çox məsuliyyətli işdir. Elə məsuliyyətli işin altına girməyə hələ hazır deyiləm. "Turan Tovuz"u sevirəm. Bu sevgini heç bir şeyə dəyişmərəm. Hazırkı AFFA prezidenti Rövnəq Abdullayev namizədliyini irəli sürsə, onu dəstəkləyəcəm. Sürməsə, gənc namizədlərdən ölkə futboluna ziyan verməyəcək biri olsa, şərtləri müzakirə edib onu dəstəkləyəcəyik".