Kənan Kərimov: "Biz də çempionluq mübarizəsində varıq"

"Karvan" Azərbaycan Kubokunun II təsnifat mərhələsində "Difai Ağsu"nu 1:0 hesabı ilə məğlub edərək növbəti raunda yüksəlib.

Pressing.az xəbər verir ki, Yevlax təmsilçisinin baş məşqçisi Kənan Kərimov matçdan sonra "CBC Sport" kanalına açıqlama verib:

"Matçın gərgin keçəcəyini bilirdik. Çünki rəqibi tanıyırdıq. "Difai" I Liqada da çıxış edir. Çempionat matçlarında da qapalı oynayırlar. Gözlədiyimiz kimi də oldu. Əks-hücumlara çıxırdılar. Hər halda, əsas qələbə idi. Komandamı, rəhbərliyimizi təbrik edirəm. Böyük ehtimalla 1/8 finalda rəqibimiz "Sumqayıt" olacaq. İlk oyunumuz səfərdədir. Çalışacağıq ki, yaxşı oyun göstərək və nəticə əldə edək. Amma bizim üçün ən önəmli olan çempionat matçlarıdır. I Liqa gərgin keçir, çalışırıq ki, yüksək pillələrdə qərarlaşaq. Amma kubokda da yaxşı oynayaraq mərhələ adlamağa çalışacağıq. I Liqadakı hədəfimizə gəlincə, hazırda birinci yerdəki komanda ilə dörd xallıq fərqimiz var. Çempionatın nə qədər mübariz keçdiiyni hamı görür. Topladığımız xal bizi qane edir. Düzdü, rəhbərlik qarşımıza çempionluq, yüksək yerlərdə dayanmaq hədəfi qoymayıb. Lakin biz də çempionluq mübarizəsində varıq".