Qızlar səhhətində problem yaranan Vüsalə Hacıyevanı unutmadılar - FOTO
Azərbaycan Futbolu
31-10-2023, 20:07
Qadınlardan ibarət Azərbaycan milli komandası bu gün UEFA Millətlər Liqasının qrup mərhələsi çərçivəsində evdə Monteneqroya 3:0 hesabıyla qalib gəlib.
Millimizin oyunçuları matçdan sonra komanda yoldaşları Vüsalə Hacıyevanın geyindiyi 17 nömrəli futbolka ilə şəkil çəkdiriblər.
Pressing.az-a verilən məlumata görə, bu addım səhhətində problem yaranan və sabah əməliyyat olunacaq Hacıyevaya dəstək məqsədilə atılıb.
Qeyd edək ki, Azərbaycan millisi bu qələbə sayəsində xalını 10-a (4 oyun) yüksəldib və liderliyini gücləndirib. Monteneqro isə 4 oyundan 6 xalla 2-cidir. Kipr 3 oyundan 3 xalla 3-cü, Farer adaları (0 xal) 4-cü yerdədir.
Elsevər Muradzadə