"Kür-Araz" II Liqanın IV turu çərçivəsində öz meydanında "Kürmük Qax"ı qəbul edib.

Pressing.az xəbər verir ki, qarşılaşmanı izləyənlər arasında Azərbaycan milli komandasının və "Qarabağ"ın müdafiəçisi Bəhlul Mustafazadə də olub. Hazırda zədəli olan 26 yaşlı futbolçu doğma rayonunun komandasını stadionda dəstəkləyib.

Qeyd edək ki, "Kür-Araz" - "Kürmük Qax" matçı Aran bölgəsi təmsilçisinin 6:3 hesablı qələbəsi ilə başa çatıb.