Rəşad Sadıqov: "Hesab 0:5 olsa da, futbolçularımın performansından razıyam"

Misli Premyer Liqasının 4-cü turunda keçirilən "Sabah" - "Zirə"matçından (5:0) sonra qonaq komandanın baş məşqçisi Rəşad Sadıqovun iştirakıyla mətbuat konfransı keçirilib.

Pressing.az xəbər verir ki, mütəxəssis oyunla bağlı bunları deyib:

"Oyuna ilk dəqiqələrdən fəal başladıq. Topa nəzarət edirdik. Rəqib ilk dəqiqələrdə fərqləndi. Ardınca səhvlərə yol verdik. Hesab 0:5 olsa da, futbolçularımın performansından razıyam. Demək olar ki, hər iki komanda topa eyni nəzarət edirdi. "Sabah"a qarşı fərqli oynamağa çalışırdıq. Pis alınmırdı. Lakin bitiricilik mənasında "Sabah" bizi xeyli üstələdi. Rəqibi təbrik edir, "Mançester Yunayted"lə oyunda uğurlar arzu edirəm".