"Neftçi"dən 3-cü transfer - RƏSMİ

“Neftçi” klubu 2026-cı il yay transfer dönəmində sayca üçüncü keçidini rəsmiləşdirib.

Pressing.az xəbər verir ki, bu barədə klubun rəsmi saytı məlumat yayıb.

Qvadelupalı müdafiəçi Endryu Qravilyon “ağ-qaralar”ın yeni üzvüdür. 28 yaşlı futbolçu ilə 2 illik müqavilə bağlanıb. O, 55 nömrəli formanı geyinəcək.

Qeyd edək ki, Qravilyon İtaliya, Fransa və Türkiyə liqalarında oynayıb. O, Qvadelupa milli komandasının heyətində 19 matça çıxıb, 2 qol vurub.

Xatırladaq ki, "Neftçi" buna qədər Rüfət Abbasov və Qustavo Klismanı da transfer etmişdi.