"Neftçi"dən yeni ilin ilk transferi » Pressing.Az
"Neftçi"dən yeni ilin ilk transferi – RƏSMİ
Transferlər / Azərbaycan Futbolu 15-01-2025, 09:30

"Neftçi" qış transfer pəncərəsi üçün ilk keçidi açıqlayıb.

Pressing.az xəbər verir ki, bu barədə "ağ-qaralar"ın mətbuat xidməti məlumat yayıb.

Bakı təmsilçisi yaponiyalı futbolçu Ryonosuke Ohori ilə anlaşıb. 24 yaşlı yarımmüdafiəçi sonuncu klubu “Transinvest”in (Litva) heyətində 2024-cü ilin fevralından meydana çıxdığı 31 çempionat matçında 6 qola imza atıb. 18 nömrəli formanı geyinəcək futbolçu ilə 5 ay + 2 il şərti ilə müqavilə bağlanıb.

Qeyd edək ki, Ryonosuke Ohori karyerası ərzində 60 rəsmi matça çıxaraq 24 qol vurub və 4 qolun ötürməsini edib.

Xatırladaq ki, daha öncə "Neftçi" legionerləri Mark Tamaş və Kilan Lebonla yollarını ayırıb.