“Qarabağ”da intizam, yoxsa nümayişkaranə cəza?
“Qarabağ” illərlə Azərbaycan futbolunda peşəkarlığın simvolu kimi təqdim olunub. Nizam-intizam, ailə mühiti, sistem, hörmət… Amma görünür, bu anlayışlar bəzən seçilmiş futbolçular və seçilmiş fərdlər üçün işləyir. Yəni bu ailə söhbəti hər kəsə aid deyil.
Elvin Cəfərquliyev və Abbas Hüseynovun mövsümün yekun tədbirinə dəvət edilməməsi, əsas heyətdən kənarlaşdırılması və bazaya belə buraxılmamaları artıq “intizam tədbiri” yox, nümayişkaranə cəza təsiri bağışlayır.
Qurban Qurbanov tədbirdə “Qarabağ”ın çəkisi çox ağırdır. Bu məsuliyyəti hər birimiz anlamalıyıq”, - dedi. Bəli, ağırdır. Amma o ağırlıq yalnız futbolçuların çiyninə düşməməlidir.
Çünki bu klubda əvvəllər də intizamsızlıq hallarının şahidi olmuşuq. Reynaldo açıq şəkildə gecə həyatı yaşadığını etiraf etmişdi. Hətta baş məşqçinin onun şəxsi həyatına qarışmadığını da bildirmişdi. Ramil Şeydayev sosial şəbəkədə belaruslu modelə biabırçı mesajı ilə gündəmə gələndə də ortada bu qədər sərt, nümayişkaranə münasibət yox idi. O zaman “Qarabağ”ın çəkisi yüngülləşməmişdi? Başda Kevin Medina olmaqla legionerlərin "çıxdığı oyunları " biz biliriksə, hoca bizdən də yaxşı bilir. Bəs ikili münasibətlərin səbəbi?!
İndi isə söhbət milli komandanın əsas üzvlərindən gedir. Elvin son aylarda Azərbaycanın ən formada futbolçularından biri idi. Belə oyunçunu bir anda sistemdən silmək təkcə kluba yox, milli komandaya da zərbədir. Azərbaycan futbolunun onsuz da məhdud resursları var. Bu resursları emosional qərarlarla itirmək nə dərəcədə doğrudur?
Abbas Hüseynovu bazaya buraxmamaq, maşınını belə özünün götürməsinə icazə verməmək, "evakuatorla gəl götür, ya da başqası götürsün" demək artıq peşəkar idarəçilikdən çox şəxsi münasibət görüntüsü yaradır.
İntizam vacibdir. Amma intizamla nümayişkaranə sərtlik arasında çox incə xətt var. O xətt keçiləndə isə məsələ artıq prinsip yox, güc nümayişinə çevrilir.
Qurban Qurbanov Azərbaycan futbolu üçün böyük fiqurdur. Məhz buna görə də onun qərarları daha çox müzakirə olunur və daha çox məsuliyyət daşıyır. Çünki belə sərt qərarlar təkcə iki futbolçunun taleyinə yox, ümumi futbol mühitinə mesaj verir: “Bir səhvin varsa, səni tam silə bilərik”.
Amma futbol idarə etmək yalnız cəzalandırmaq deyil. Qorumaq, qazanmaq və idarə etmək də bunun bir hissəsidir.
Orxan İsmayılov
Elvin Cəfərquliyev və Abbas Hüseynovun mövsümün yekun tədbirinə dəvət edilməməsi, əsas heyətdən kənarlaşdırılması və bazaya belə buraxılmamaları artıq “intizam tədbiri” yox, nümayişkaranə cəza təsiri bağışlayır.
Qurban Qurbanov tədbirdə “Qarabağ”ın çəkisi çox ağırdır. Bu məsuliyyəti hər birimiz anlamalıyıq”, - dedi. Bəli, ağırdır. Amma o ağırlıq yalnız futbolçuların çiyninə düşməməlidir.
Çünki bu klubda əvvəllər də intizamsızlıq hallarının şahidi olmuşuq. Reynaldo açıq şəkildə gecə həyatı yaşadığını etiraf etmişdi. Hətta baş məşqçinin onun şəxsi həyatına qarışmadığını da bildirmişdi. Ramil Şeydayev sosial şəbəkədə belaruslu modelə biabırçı mesajı ilə gündəmə gələndə də ortada bu qədər sərt, nümayişkaranə münasibət yox idi. O zaman “Qarabağ”ın çəkisi yüngülləşməmişdi? Başda Kevin Medina olmaqla legionerlərin "çıxdığı oyunları " biz biliriksə, hoca bizdən də yaxşı bilir. Bəs ikili münasibətlərin səbəbi?!
İndi isə söhbət milli komandanın əsas üzvlərindən gedir. Elvin son aylarda Azərbaycanın ən formada futbolçularından biri idi. Belə oyunçunu bir anda sistemdən silmək təkcə kluba yox, milli komandaya da zərbədir. Azərbaycan futbolunun onsuz da məhdud resursları var. Bu resursları emosional qərarlarla itirmək nə dərəcədə doğrudur?
Abbas Hüseynovu bazaya buraxmamaq, maşınını belə özünün götürməsinə icazə verməmək, "evakuatorla gəl götür, ya da başqası götürsün" demək artıq peşəkar idarəçilikdən çox şəxsi münasibət görüntüsü yaradır.
İntizam vacibdir. Amma intizamla nümayişkaranə sərtlik arasında çox incə xətt var. O xətt keçiləndə isə məsələ artıq prinsip yox, güc nümayişinə çevrilir.
Qurban Qurbanov Azərbaycan futbolu üçün böyük fiqurdur. Məhz buna görə də onun qərarları daha çox müzakirə olunur və daha çox məsuliyyət daşıyır. Çünki belə sərt qərarlar təkcə iki futbolçunun taleyinə yox, ümumi futbol mühitinə mesaj verir: “Bir səhvin varsa, səni tam silə bilərik”.
Amma futbol idarə etmək yalnız cəzalandırmaq deyil. Qorumaq, qazanmaq və idarə etmək də bunun bir hissəsidir.
Orxan İsmayılov
