Xaosdan Avropaya: “Neftçi”nin möhtəşəm dönüşü – YAZI
Mövsümün ilk yarısında “Neftçi”dən çoxları, hətta "ağ-qaralar"ın ən sadiq azarkeşləri də ümidini üzmüşdü. Komanda nə oyun baxımından inandırırdı, nə də nəticələr baxımından sabit görüntü verirdi. Amma qış fasiləsindən sonra Yuri Vernidubun komandaya gətirdiyi nizam-intizam və sistem özünü göstərməyə başladı.
Qollarını çırmalayan ukraynalı mütəxəssis qısa müddətdə “Neftçi”ni toparlamağı bacardı. Paytaxt təmsilçisi meydanda daha təşkilatlanmış, daha döyüşkən və ən əsası, komanda kimi görünməyə başladı. Mövsümün əvvəlində xaotik futbol oynayan kollektiv, sonradan planlı və xarakterli oyunu ilə "4-lüy"ə düşərək UEFA Konfrans Liqasına vəsiqə qazandı.
Vernidubun əsas üstünlüyü odur ki, o, futbolçulara sistem aşılaya bilir. Mütəxəssisin Avropa təcrübəsi, xüsusilə çətin situasiyalarda komandaları ayaqda saxlamaq bacarığı “Neftçi”də də hiss olundu. Mövsüm ərzində çox tənqid olunan komanda sonda göstərdi ki, düzgün məşqçi ilə ayağa qalxmaq mümkündür.
Əgər yay transfer dönəmində heyət bir qədər də gücləndirilsə, keyfiyyətli futbolçular alınsa, komandadan UEFA Konfrans Liqasında da mübariz çıxış gözləyə bilərik. Heyətə əl gəzdirilsə, gələn mövsüm “Neftçi” çempionluq yarışında əsas namizədlərdən biri ola bilər. Hətta uğurlu qrafik cızan “Sabah”la birlikdə çempionluq uğrunda çox maraqlı Bakı derbisi izləyə bilərik.
Bir sözlə, “Neftçi” gec oyansa da, mövsümün son bölümündə gələcək üçün ümid verdi. Yuri Vernidub isə göstərdi ki, o sadəcə məşqçi yox, dağılmış komandaya xarakter qaytara bilən futbol adamıdır.
Orxan İsmayılov
Qollarını çırmalayan ukraynalı mütəxəssis qısa müddətdə “Neftçi”ni toparlamağı bacardı. Paytaxt təmsilçisi meydanda daha təşkilatlanmış, daha döyüşkən və ən əsası, komanda kimi görünməyə başladı. Mövsümün əvvəlində xaotik futbol oynayan kollektiv, sonradan planlı və xarakterli oyunu ilə "4-lüy"ə düşərək UEFA Konfrans Liqasına vəsiqə qazandı.
Vernidubun əsas üstünlüyü odur ki, o, futbolçulara sistem aşılaya bilir. Mütəxəssisin Avropa təcrübəsi, xüsusilə çətin situasiyalarda komandaları ayaqda saxlamaq bacarığı “Neftçi”də də hiss olundu. Mövsüm ərzində çox tənqid olunan komanda sonda göstərdi ki, düzgün məşqçi ilə ayağa qalxmaq mümkündür.
Əgər yay transfer dönəmində heyət bir qədər də gücləndirilsə, keyfiyyətli futbolçular alınsa, komandadan UEFA Konfrans Liqasında da mübariz çıxış gözləyə bilərik. Heyətə əl gəzdirilsə, gələn mövsüm “Neftçi” çempionluq yarışında əsas namizədlərdən biri ola bilər. Hətta uğurlu qrafik cızan “Sabah”la birlikdə çempionluq uğrunda çox maraqlı Bakı derbisi izləyə bilərik.
Bir sözlə, “Neftçi” gec oyansa da, mövsümün son bölümündə gələcək üçün ümid verdi. Yuri Vernidub isə göstərdi ki, o sadəcə məşqçi yox, dağılmış komandaya xarakter qaytara bilən futbol adamıdır.
Orxan İsmayılov
