Coy-Lens Mikels: "Zirə" bu taktika ilə qalib gəlmək istəyirsə, eybi yoxdur" – AÇIQLAMA
Misli Premyer Liqasının 31-ci turunda keçirilən "Sabah" – "Kəpəz" oyunundan (0:1) sonra Masazır təmsilçisinin vingeri Coy-Lens Mikels Pressing.az-ın suallarını cavablandırıb.
– Oyunla bağlı fikirlərini bölüşərdin. Məğlubiyyətə səbəb nə oldu?
– Çətin oyun oldu. İlk hissədə üstün tərəf biz idik, normalda, bu dominantlıqla qol vurmalıydıq. Lakin qarşımızda rəqib komandanın qapıçısı Yusif İmanov vardı. Onu çox yaxşı tanıyırıq. Bu gün həqiqətən əla, qüsursuz çıxış etdi. "Kəpəz" ikinci yarıda da bütün komanda ilə cərimə meydançasının önündə müdafiə olunurdu. Təəssüf ki, qol vura bilmədik. Bir səhv etdik, bu da məğlubiyyətə səbəb oldu.
– Qarşıdan "Zirə" ilə Azərbaycan Kubokunun final matçı gəlir. Bu oyundan gözləntin nədir?
– Çətin qarşılaşma olacaq. Çempionatda evdə onlarla oynadığımız matçı xatırlayıram. Düşünürəm ki, "Zirə" yenə beşli müdafiə ilə çıxış edəcək. Müdafiəyə qapanıb əks-hücumlara bel bağlayacaqlar. Əgər bu taktika ilə qalib gəlmək istəyirlərsə, eybi yoxdur, amma biz də qol vurmaq üçün yollar tapacağıq. Ümid edirik ki, qalib gəlib kuboka sahib çıxacağıq.
Xatırladaq ki, mayın 13-də keçiriləcək Azərbaycan Kubokunun final matçı saat 20:00-da başlayacaq.
Daşqın Əziz
– Oyunla bağlı fikirlərini bölüşərdin. Məğlubiyyətə səbəb nə oldu?
– Çətin oyun oldu. İlk hissədə üstün tərəf biz idik, normalda, bu dominantlıqla qol vurmalıydıq. Lakin qarşımızda rəqib komandanın qapıçısı Yusif İmanov vardı. Onu çox yaxşı tanıyırıq. Bu gün həqiqətən əla, qüsursuz çıxış etdi. "Kəpəz" ikinci yarıda da bütün komanda ilə cərimə meydançasının önündə müdafiə olunurdu. Təəssüf ki, qol vura bilmədik. Bir səhv etdik, bu da məğlubiyyətə səbəb oldu.
– Qarşıdan "Zirə" ilə Azərbaycan Kubokunun final matçı gəlir. Bu oyundan gözləntin nədir?
– Çətin qarşılaşma olacaq. Çempionatda evdə onlarla oynadığımız matçı xatırlayıram. Düşünürəm ki, "Zirə" yenə beşli müdafiə ilə çıxış edəcək. Müdafiəyə qapanıb əks-hücumlara bel bağlayacaqlar. Əgər bu taktika ilə qalib gəlmək istəyirlərsə, eybi yoxdur, amma biz də qol vurmaq üçün yollar tapacağıq. Ümid edirik ki, qalib gəlib kuboka sahib çıxacağıq.
Xatırladaq ki, mayın 13-də keçiriləcək Azərbaycan Kubokunun final matçı saat 20:00-da başlayacaq.
Daşqın Əziz
