Yunis Hüseynov: "Həmin səhvlərə görə məğlub olduq"
"Hər komanda kubokda finala çıxmaq istəyir, biz də bunu çox arzulayırdıq. Hesab edirəm ki, oyunda güclü tərəf biz idik və finala layiq komanda idik. Əfsuslar olsun ki, ötən matçda haqqımızı yedilər, o səhvlərə görə bu gün qələbə qazana bilmədik. Hətta qol vurduq, saymadılar. Bizim xeyrimizə epizod olanda dərhal VAR-a gedirlər, amma rəqibdə olanda bunu görmürəm. Əliyar Ağayev Premyer Liqada rəqibə verdiyi qırmızını ləğv etmişdi, o qədər futbolçunun haqqını yedi. "Zirə"yə uğurlar arzulayıram".
Pressing.az xəbər verir ki, bu sözləri "Turan Tovuz" klubunun məşqçisi Yunis Hüseynov Azərbaycan kubokunda 1/2 finalın cavab görüşləri çərçivəsində "Zirə" ilə baş tutan matçdan (0:0) sonra təşkil olunan mətbuat konfransında deyib.
Məşqçi ilk oyundakı iki penaltinin verilməməsinin futbolçulara psixoloji təsir etdiyini etiraf edib:
"Futbolçularda psixoloji gərginlik var idi, bunu danmıram. İlk görüşdə iki təmiz penaltimiz verilməmişdi. Komandamız bu oyuna pis hazırlamamışdı. Bilirdik ki, "Zirə" ilk oyundakı 2:0-lıq üstünlüyünü qorumaq üçün beşli müdafiə ilə oynayacaq. Arxada çox imkan vermədilər, amma buna baxmayaraq, komandamız pis təsir bağışlamadı. Əgər birinci hissədə qol vura bilsəydik, arxasınca ikincisi də gələrdi. "Zirə" bu gün yalnız müdafiə olunurdu".
Yunis Hüseynov bugünkü matçın idarəçiliyi ilə bağlı kəskin narazılığının olmadığını qeyd edib:
"Bu gün hakim idarəçiliyindən narazı qalmadım. Amma qol epizodumuza hələ təkrar baxmamışam".
Əsas hədəflərinin kubok olduğunu bildirən məşqçi diqqətlərini çempionata yönəldəcəklərini deyib:
"Hər komandanın məqsədi kuboku qazanmaq olmalıdır, əks halda o komandanın məqsədi yoxdur deməkdir. Biz də həm kuboku, həm də Premyer Liqa çempionluğunu istəyirdik. Qarşıda bizi çətin oyunlar gözləyir, tam olaraq çempionata köklənəcəyik. İkincilik barədə xüsusi düşünmürük. Qalib gəlsək, turnir cədvəlində yaxşı yerləri tutacağıq".
Pressing.az xəbər verir ki, bu sözləri "Turan Tovuz" klubunun məşqçisi Yunis Hüseynov Azərbaycan kubokunda 1/2 finalın cavab görüşləri çərçivəsində "Zirə" ilə baş tutan matçdan (0:0) sonra təşkil olunan mətbuat konfransında deyib.
Məşqçi ilk oyundakı iki penaltinin verilməməsinin futbolçulara psixoloji təsir etdiyini etiraf edib:
"Futbolçularda psixoloji gərginlik var idi, bunu danmıram. İlk görüşdə iki təmiz penaltimiz verilməmişdi. Komandamız bu oyuna pis hazırlamamışdı. Bilirdik ki, "Zirə" ilk oyundakı 2:0-lıq üstünlüyünü qorumaq üçün beşli müdafiə ilə oynayacaq. Arxada çox imkan vermədilər, amma buna baxmayaraq, komandamız pis təsir bağışlamadı. Əgər birinci hissədə qol vura bilsəydik, arxasınca ikincisi də gələrdi. "Zirə" bu gün yalnız müdafiə olunurdu".
Yunis Hüseynov bugünkü matçın idarəçiliyi ilə bağlı kəskin narazılığının olmadığını qeyd edib:
"Bu gün hakim idarəçiliyindən narazı qalmadım. Amma qol epizodumuza hələ təkrar baxmamışam".
Əsas hədəflərinin kubok olduğunu bildirən məşqçi diqqətlərini çempionata yönəldəcəklərini deyib:
"Hər komandanın məqsədi kuboku qazanmaq olmalıdır, əks halda o komandanın məqsədi yoxdur deməkdir. Biz də həm kuboku, həm də Premyer Liqa çempionluğunu istəyirdik. Qarşıda bizi çətin oyunlar gözləyir, tam olaraq çempionata köklənəcəyik. İkincilik barədə xüsusi düşünmürük. Qalib gəlsək, turnir cədvəlində yaxşı yerləri tutacağıq".
