Azərbaycanda çıxış edən üç qardaş milliyə çağırıldı

"Karvan-Yevlax" klubu bir neçə gün əvvəl mərkəz hücumçusu Coy-Slayd Mikelsin Ruanda millisinə çağırıldığını elan edib.

Lakin o, sözügedən ölkəyə tək getməyəcək.

Pressing.az-a daxil olan informasiyaya görə, 31 yaşlı forvard Azərbaycan çempionatında çıxış edən qardaşları – Coy-Lens Mikels və Leroy Mikelslə birgə Ruanda millisinin düşərgəsinə yollanacaq.

Belə ki, "Sabah"ın hücumçusu Coy-Lens Mikelslə "Zirə"nin vingeri Leroy Mikels də yığmaya çağırılıblar.

Bir məlumatı da qeyd edək ki, bu Coy-Slayd Mikelsin Ruanda millisindən aldığı ilk dəvətdir.

Pressing.az