Azər Bağırov: "Uşaqlara dedim ki, bu matça axırıncı oyun kimi yanaşın"
Misli Premyer Liqasının 17-ci turu çərçivəsində "Qarabağ" "Kəpəz"lə üz-üzə gəlib. Matç "Kəpəz"in 2:0 hesablı qələbəsi ilə başa çatıb.
Pressing.az xəbər verir ki, "Kəpəz"in baş məşqçisi Azər Bağırov matçdan sonra rəqib üzərində qazanılan qələbəni şərh edib.
Mütəxəssis ilk olaraq rəqibi Çempionlar Liqasındakı uğurlu çıxışı münasibətilə təbrik edib və onlara Avropada uğurlar arzulayıb. O, "Qarabağ"ın birinci və ya ikinci heyətinin fərq etmədiyini, onların Avropanın TOP klublarından biri olduğunu vurğulayıb. A.Bağırov futbolçularının mübarizəsindən razı qaldığını bildirib.
Oyundan öncə belə bir nəticəni təxmin etmədiyini deyən baş məşqçi komandanı necə motivasiya etdiyini açıqlayıb:
"Uşaqlara dedim ki, həyatda edə bilməyəcəyiniz heç nə yoxdur. Sadəcə bu matça axırıncı oyun kimi yanaşmaq lazımdır. Mübarizə apardılar, qollar vurduq. Sözüm kimlərinsə xoşuna gəlməsə də, həqiqətən layiqli qələbə qazandıq".
Azər Bağırov qələbənin təsadüfi olmadığını və mükafat məsələsini belə şərh edib:
"Mükafat məsələsini rəhbərlik bilər, biz belə məsələlərə qarışmırıq. Amma mənə elə gəlir ki, futbolçuları layiqincə qiymətləndirəcəklər".
Pressing.az xəbər verir ki, "Kəpəz"in baş məşqçisi Azər Bağırov matçdan sonra rəqib üzərində qazanılan qələbəni şərh edib.
Mütəxəssis ilk olaraq rəqibi Çempionlar Liqasındakı uğurlu çıxışı münasibətilə təbrik edib və onlara Avropada uğurlar arzulayıb. O, "Qarabağ"ın birinci və ya ikinci heyətinin fərq etmədiyini, onların Avropanın TOP klublarından biri olduğunu vurğulayıb. A.Bağırov futbolçularının mübarizəsindən razı qaldığını bildirib.
Oyundan öncə belə bir nəticəni təxmin etmədiyini deyən baş məşqçi komandanı necə motivasiya etdiyini açıqlayıb:
"Uşaqlara dedim ki, həyatda edə bilməyəcəyiniz heç nə yoxdur. Sadəcə bu matça axırıncı oyun kimi yanaşmaq lazımdır. Mübarizə apardılar, qollar vurduq. Sözüm kimlərinsə xoşuna gəlməsə də, həqiqətən layiqli qələbə qazandıq".
Azər Bağırov qələbənin təsadüfi olmadığını və mükafat məsələsini belə şərh edib:
"Mükafat məsələsini rəhbərlik bilər, biz belə məsələlərə qarışmırıq. Amma mənə elə gəlir ki, futbolçuları layiqincə qiymətləndirəcəklər".
