"Qol imkanlarını qaçırmaq əsas problem olaraq qalır" - Azər Bağırov

"Yenə qol epizodlarını dəyərləndirə bilmirik. Bu, məşqçilər korpusunu yorur".

Pressing.az xəbər verir ki, bu sözləri “Kəpəz" klubunun baş məşqçisi Azər Bağırov Misli Premyer Liqasının 15-ci turunda "Qəbələ" üzərində qazanılan qələbəni (1:0) şərh edərkən deyib.

Mütəxəssis oyunun maraqlı keçdiyini, hər iki tərəfin daim hücumda olduğunu, lakin yaradılan şansları boşa verdiklərini bildirib. O, qapıçı Yusif İmanovun bir illik fasilədən sonra səhvlərə rəğmən komandaya kömək etdiyini və oyundan-oyuna performansını yaxşılaşdırdığını, həmçinin Ohorinin isə müxtəlif mövqelərdə tapşırıqların öhdəsindən gələrək inkişaf etdiyini vurğulayıb.

Baş məşqçi Luis Paçunun ehtiyatda qalmasını taktiki gedişlə əlaqələndirib:

"Qəbələ" arxadan topla yaxşı çıxır. Ehtiram Şahverdiyev öndə daha yaxşı pressinq etdiyi üçün start heyətində ona şans verdik".

Mütəxəssis qələbənin turnir cədvəli baxımdan strateji əhəmiyyətini isə belə ifadə edib:

"Bugünkü oyun 9 xala bərabər idi. Həm "Qəbələ"ni keçdik, həm də "Karvan-Yevlax"dan uzaqlaşdıq".