"Qarabağ" - "Qalatasaray" matçından əldə edilən gəlir açıqlandı

“Qarabağ” və “Qalatasaray” klubları arasında keçirilən xeyriyyə matçından (1:2) əldə edilən gəlir açıqlanıb.

Pressing.az xəbər verir ki, əvvəlcədən də bəyan edildiyi kimi bu oyundan gələn gəlirlər qardaş Türkiyədə baş vermiş zəlzələdən əziyyət çəkənlərə göndəriləcək. Matçdan 1.090.455 AZN, təxminən 12.336.000 Türkiyə lirəsi əldə edilib. Bu gəlirlərdən bəziləri (Türkiyədə oyunun yayım hüququndan gələn və Türkiyədən verilmiş reklam gəlirləri) Qalatasaray tərəfindən açılmış yardım hesabına köçürüləcək.

Bilet satışı, meydan ətrafı reklam gəlirləri, həmçinin Azərbaycanda yayım haqqından gələn və digər gəlirlər isə qısa zamanda Türkiyədəki uyğun hesaba göndəriləcək.