Bu gün UEFA Avropa Liqasında qrup mərhələsinin püşkatma mərasimi keçirilir.

Pressing.az xəbər verir ki, Monako şəhərində təşkil olunan mərasim Bakı vaxtı ilə saat 15:00-da başlanıb.

"Qarabağ" H qrupunda yer alıb. Püşkün nəticəsinə əsasən, "Qarabağ" "Bayer" (Almaniya), "Mölde" (Norveç) və “Hekken”lə (İsveç) bir qrupa düşüb.

H qrupu

1. "Bayer" (Almaniya)

2. "Qarabağ"

3. "Mölde" (Norveç)

4.“Hekken” (İsveç).

Qrup mərhələsində 32 komanda mübarizə aparacaq. Onlar hər birində 4 klub olmaqla 8 qrupa bölünüblər. .Qrupun qalibi 1/8 finala, qrup ikinci 1/16 finala vəsiqə qazanacaq. Qrup üçüncüsü isə Konfrans Liqasının pley-off mərhələsində (1/16 final) oynamaq hüququ əldə edəcək.

Avropa Liqasında qrup mərhələsinə sentyabrın 21-də start veriləcək, dekabrın 14-də isə yekun vurulacaq.