Çimərlik futbolu üzrə Azərbaycan yığması DÇ-2025-in seçmə mərhələsində 3-cü tur oyununa çıxıb.

Pressing.az xəbər verir ki, yığmamız İspaniyada yerli milli komanda ilə qarşılaşıb. Azərbaycan millisi matçda 0:7 hesabı ilə uduzub.

Komanda daha əvvəl İngiltərəyə 4:0, Gürcüstana isə 7:2 hesabı ilə qalib gəlib.

Millimiz hazırda A qrupunun turnir cədvəlində 6 xalla 2-ci olub. Lider İspaniyanın akivində 9 xal var. İngiltərə 2 xalla 3-cü, Gürcüstan isə xalla sonuncudur. Komandamız bu nəticələr ilə 1/8 final mərhələsinə vəsiqə qazanıb.

1/8 final mərhələsinin oyunları oktyabrın 9-da keçiriləcək. Millimizin rəqibi oktyabrın 8-də baş tutacaq digər qrupların son matçlarının ardından müəyyənləşəcək.