Fransanın paytaxtı Paris şəhərində 2024-cü il Yay Paralimpiya Oyunlarının bağlanış mərasimi keçirilib.

Pressing.az xəbər verir ki, tədbir “Stad de Frans” stadionunda təşkil edilib. Əvvəlcə səhnəyə iştirakçı ölkələrin nümayəndə heyətləri daxil olublar.

Ölkələrin rəsmi paradında Azərbaycanın bayraqdarları turnirin qızıl mükafatçıları Lamiyə Vəliyeva və Səid Nəcəfzadə olub.

Qeyd edək ki, Azərbaycan Paris-2024 Yay Paralimpiya Oyunlarında 4-ü qızıl, 2-si gümüş və 5-i bürünc olmaqla ümumilikdə 11 medal qazanıb. Ölkəmiz medal sıralamasında 169 ölkə arasında 28-ci yeri tutub.