Azərbaycan çempionatlarında növbəti turun proqramı müəyyənləşib
Digər növlər
25-01-2024, 17:30
Kişi və qadın həndbolçular arasında Azərbaycan çempionatlarında 8-ci turun proqramı məlum olub.
Pressing.az xəbər verir ki, qadınların mübarizəsində tur "Bakı" - "Kür" oyunu ilə start götürəcək. Yanvarın 27-də gerçəkləşəcək qarşılaşma saat 10:00-da başlayacaq.
Yanvarın 28-də, saat 10:00-da "İdman Akademiyası" - "Azəryol", 12:00-da isə "Gənclərbirliyi - "Qarabağ" görüşləri gerçəkləşəcək.
Kişilərin yarışında yanvarın 27-də, saat 12:00-da "Təhsil" - "Kür", saat 14:00-da "Qarabağ" - "Azəryol" oyunları baş tutacaq. Növbəti gün isə saat 14:00-da "Dinamo" və "İdman Akademiyası" kollektivləri meydançaya çıxacaqlar.
Bütün matçlar "AHF Arena"da təşkil olunacaq.