Bu gün Litvanın Şaulyay şəhərində Şərqi Avropa Voleybol Zonal Assosiasiyası (EEVZA) çempionatı çərçovəsində 20 yaşadək voleybolçu qızlardan ibarət Azərbaycan millisi ilk oyununu keçirib.

Pressing.az xəbər verir ki, yığma Estoniya ilə qarşılaşıb.

Matç milli komandanın 0:3 (10:25, 15:25, 22:25) hesablı məğlubiyyətiyla başa çatıb.

Yığma komandanın növbəti görüşləri isə Latviya, Ukrayna və Polşaya qarşı olacaq.

Yanvarın 7-dək baş tutacaq yarış AVRO-2024-ə seçmə xarakteri daşıyır. Reqlamentə əsasən, çempion qitə birinciliyinin final mərhələsinə vəsiqə əldə edəcək.