20 yaşadək voleybolçu qızlardan ibarət Azərbaycan yığması Litvanın Şaulyay şəhərində keçirilən Şərqi Avropa Voleybol Zonal Assosiasiyası (EEVZA) çempionatında üçüncü oyununa çıxacaq.

Pressing.az xəbər verir ki, Şahin Çatmanın rəhbərlik etdiyi komanda bu gün Ukrayna ilə qarşılaşacaq.

Oyun Bakı vaxtı ilə saat 16:30-da start götürəcək. Təmsilçimiz əvvəlki iki matçda Estoniya və Latviyaya 0:3 hesabı ilə məğlub olub. U-20 yanvarın 6-da Litva, 7-də isə Polşa ilə münasibətləri aydınlaşdıracaq.

Yanvarın 7-nə qədər davam edəcək yarış AÇ-2024-ə seçmə xarakter daşıyır. Reqlamentə əsasən, çempion komanda qitə birinciliyinin final mərhələsinə vəsiqə qazanacaq.