19 yaşadək qadın futbolçulardan ibarət Azərbaycan milli komandasının Avropa çempionatının ilkin seçmə mərhələsində mübarizə aparacağı rəqibləri bəlli olub.

Pressing.az xəbər verir ki, Millətlər Liqası formatında təşkil olunan seçmə mərhələ oyunlarında Azərbaycan yığması 4-cü qrupda Monteneqro, Bolqarıstan və Latviya yığmaları ilə mübarizə aparacaq.

Bu qrupun oyunları 2024-cü ilin 3, 6, 9 aprel tarixlərində Latviyada təşkil olunacaq. İlkin mərhələdə B Liqasının qrup qalibləri A Liqasına vəsiqə qazanacaq. Turnirin final mərhələsi 2025-ci ildə Litvada təşkil olunacaq.