Monteneqro klubunun baş məşqçisi Pressing.az-a DANIŞDI

"Rəqibi təbrik edirəm. İlk hissədə 80-90 faiz oyuna nəzarət edirdik. Amma növbəti iki periodda üstünlüyü rəqibə verdik. Xüsusilə də müdafiədə səhvlərimiz oldu və rəqib qələbə qazandı. Layiqli qalibiyyət əldə etdilər. Ribaundlarda rəqibə 30-dan çox hücuma keçməyə imkan yaratdıq. Məğlubiyyətdə əsas səbəb bu oldu".

Bu sözləri FİBA Avropa Kuboku çərçivəsində Bakıda "Sabah"a 71:84 hesabıyla uduzan Monteneqro "Mornar"ının baş məşqçisi Mixaylo Paviçeviç Pressing.az-a danışarkən deyib.

O, matçdan sonra əməkdaşımızın suallarını cavablandırıb.

- Məğlubiyyəti arxayınlıqla əlaqələndirmək olar?

- Onunun sonlarında böyük səhvlərə yol verdik. Komandamızda məsuliyyəti öz üzərinə götürə biləcək basketbolçular olmadı. Səbat altında rəqibə hücum foulları verdik. Bütün bunlar məğlubiyyətə gətirib çıxardı.

- Qrupdan çıxmaq şansınızı necə dəyərləndirirsiz?

- Öz çempionatımız da çox rəqabətli davam edir. Komandanı demək olar ki,iki yerə bölmüşəm. Həm Avropa Kubokunda, həm də yerli çempionatda mübarizə aparırıq. Bizim üçün çox çətindir. Şansımız demək olar ki, yoxdur.

- "Sabah"da kimləri bəyəndiniz?

- Çox yaxşı oyun sərgiləyən 4-5 amerikalı var. Xüsusən də Deqan Portu qeyd edərdim. Çox enerjili basketbolçudur.

Elsevər Muradzadə