Cüdoçuların Şamaxı toplanışı davam edir

Kişi cüdoçulardan ibarət Azərbaycan millisi Şamaxıda texniki-taktiki hazırlıqlarını davam etdirir.

Pressing.az xəbər verir ki, bu barədə Azərbaycan Cüdo Federasiyası məlumat yayıb.

Yığmanın böyük məşqçiləri Elxan Məmmədov və Slavko Tekiçin rəhbərliyi altında keçirilən məşqlərdə xüsusilə ne-vaza çalışmalarına diqqət yetirilir.

Məşq prosesində idmançıların mübarizə texnikaları, tutma və çevirmə üsulları üzərində işlənilir, həmçinin taktiki qərarların sürətli verilməsi bacarıqları təkmilləşdirilir.