Xəbər lenti

Macarıstanın paytaxtı Budapeşt şəhərində keçirilən dünya çempionatı davam edir.

Pressing.az xəbər verir ki, bu gün Azərbaycanın daha bir cüdoçusu mübrizəyə qoşulub.

Uşanqi Kokauri (+100 kq) fərdi yarışın 1/32 finalında Serbiya təmsilçisi İqor Vraçarla üz-üzə gəlib və onu məğlub edib. İdmançımız daha sonra isə kubalı Endi Qrandanı məğlub edib. 1/8 finalda türkiyəli Munir Ertuğu da üstələyən Kokauri, 1/4 finalda gürcüstanlı Quram Tuşişviliyə uduzub.

Təsəlliverici görüşdə çexiyalı Lukaş Krpalek üzərində qələbə qazanan Uşanqi bürünc medal uğrunda qarşılaşmada tacikistanlı Temur Rəhimova məğlub olaraq mükafatdan kənar qalıb.

Qeyd edək ki, Azərbaycanı mundialda 10 çəki dərəcəsində 13 cüdoçu (9 kişi, 4 qadın) fərdi yarışlarda təmsil edir. Millimiz həmçinin qarışıq komanda yarışında mübarizə aparacaq.

Daha əvvəl cüdoçularımızdan Zelim Tçkayev (81 kq), Elcan Hacıyev (90 kq) və Zelim Kotsoyev (100 kq) bürünc medal qazanıblar.