Azərbaycan millisinin sabiq üzvü Qara Qarayevin yeni klubu bəlli olub.

Pressing.az xəbər verir ki, 32 yaşlı yarımmüdafiəçi "Araz-Naxçıvan"a keçib. Bu barədə klubun rəsmi saytı məlumat yayıb. Qara ilə cari mövsümün sonuna qədər müqavilə imzalanıb.

Qeyd edək ki, Azərbaycan millisində 76 oyun keçirən Qara Qarayev "Qarabağ"ın yetirməsidir. 15 il (2008-2023) Ağdam klubunda çıxış edən futbolçu 2023-cü ildə "Neftçi"yə keçsə də, orada heyətə düşə bilməyib və bir müddət əvvəl komandadan ayrılıb.