Azərbaycan millisinin üzvü Anton Krivotsyuk Cənubi Koreyanın “Tecon Xana Sitizen” klubuna transfer olunub.

Pressing.az xəbər verir ki, Polşa mətbuatı Asiya klubunun oyunçu üçün "Visla"ya 600 min avro ödəyəcəyini yazıb.

24 yaşlı müdafiəçi transferi ilə bağlı Cənubi Koreya klubunun saytına açıqlamasında deyib: "Yeni klubuma gec qoşulmuşam. Buna görə də, komanda yoldaşlarımla sıx ünsiyyət quraraq, kollektivə tez uyğunlaşmağa çalışacağam. “Tecon Xana Sitizen” 8 ildən sonra ötən il yüksək liqaya yüksəlib. Buna görə də, bu ay başlayacaq mövsüm çox vacibdir”.

Qeyd edək ki, Anton Krivotsyuk 2021-ci ilin yayında "Neftçi"dən ayrılaraq Plotsk "Visla"sına keçmişdi.