Eldəniz Əzizli: "Güləşçilər aysberqin görünən tərəfidir" – AÇIQLAMA
Albaniyada keçirilən dünya çempionatında tarixi uğura imza atan Yunan-Roma güləşi üzrə millimiz vətənə qayıdıb.
Pressing.az Azərbaycan Güləş Federasiyasına istinadən xəbər verir ki, üç qızıl medalla komanda hesabında aşkar fərqlə dünya çempionu olan və titulunu qoruyan yığmamızın Heydər Əliyev Beynəlxalq Aeroportunda qarşılanma mərasimi keçirilib.
Yarışda qızıl medal qazanan güləşçilərimizdən biri, karyerasında 4-cü dəfə dünya çempionu olmaqla Azərbaycan güləş tarixində ilkə imza atan Eldəniz Əzizli bu uğuru haqqında danışıb. O deyib: "Təkcə öz qələbəmə görə yox, həm də komandamızın uğuruna görə sevinirəm. Tarixi nəticə oldu. İkinci pillədə olan komandanı böyük fərqlə qabaqladıq. İlk dəfə bir dünya çempionatında 3 qızıl medal qazandıq. 4-cü dəfə dünya çempionu olmaqla Azərbaycan güləş tarixində yeni rekorda imza atdım. Buna görə çox sevinirəm. Hər kəsə təşəkkür edirəm. Növbəti hədəfim 5-ci dəfə dünya çempionu olmaqdır. Məşqçilərimizə minnətdarlığımı bildirirəm. Güləşçilər aysberqin görünən tərəfidir. Görünməyən tərəfində isə şəxsi və milli komandanın məşqçiləri dayanır. Sözsüz ki, bu uğurların qazanılmasında bizə göstərilən diqqət və qayğının böyük rolu var. Buna görə ilk növbədə təkcə güləşə yox, ümumilikdə ölkə idmanına dəstək olan ölkə başçısına minnətdarlığımı bildirirəm".
Pressing.az Azərbaycan Güləş Federasiyasına istinadən xəbər verir ki, üç qızıl medalla komanda hesabında aşkar fərqlə dünya çempionu olan və titulunu qoruyan yığmamızın Heydər Əliyev Beynəlxalq Aeroportunda qarşılanma mərasimi keçirilib.
Yarışda qızıl medal qazanan güləşçilərimizdən biri, karyerasında 4-cü dəfə dünya çempionu olmaqla Azərbaycan güləş tarixində ilkə imza atan Eldəniz Əzizli bu uğuru haqqında danışıb. O deyib: "Təkcə öz qələbəmə görə yox, həm də komandamızın uğuruna görə sevinirəm. Tarixi nəticə oldu. İkinci pillədə olan komandanı böyük fərqlə qabaqladıq. İlk dəfə bir dünya çempionatında 3 qızıl medal qazandıq. 4-cü dəfə dünya çempionu olmaqla Azərbaycan güləş tarixində yeni rekorda imza atdım. Buna görə çox sevinirəm. Hər kəsə təşəkkür edirəm. Növbəti hədəfim 5-ci dəfə dünya çempionu olmaqdır. Məşqçilərimizə minnətdarlığımı bildirirəm. Güləşçilər aysberqin görünən tərəfidir. Görünməyən tərəfində isə şəxsi və milli komandanın məşqçiləri dayanır. Sözsüz ki, bu uğurların qazanılmasında bizə göstərilən diqqət və qayğının böyük rolu var. Buna görə ilk növbədə təkcə güləşə yox, ümumilikdə ölkə idmanına dəstək olan ölkə başçısına minnətdarlığımı bildirirəm".
