Xəbər lenti

Azərbaycan badmintonçusu Keişa Fatimə Zəhra Paris Yay Olimpiya Oyunlarında mübarizəni başa vurub.

Pressing.az xəbər verir ki, o, qrup mərhələsindəki ikinci matçında Böyük Britaniya təmsilçisi Kirsti Qilmor ilə üz-üzə gəlib.

Rəqibinə uduzan (0:2) təmsilçimiz turnirlə vidalaşıb. O, ilk turda Çin təmsilçisi He Bin Çzyaoya da məğlub olmuşdu.

Qeyd edək ki, qrupda yalnız birinci yeri tutan idmançı növbəti raunda adlayır.

Xatırladaq ki, Azərbaycan 33-cü Yay Olimpiya Oyunlarına 48 idmançı ilə qatılıb. Onlardan 4-ü (cüdoçular) mübarizəni medal qazanmadan dayandırıb.