Xankəndi şəhəri Azərbaycan Premyer Liqasının oyunlarına da ev sahibliyi edə bilər.

Bu barədə Pressing.az-a maraqlı informasiya daxil olub.

Belə ki, MOİK klubu Birinci Liqanı lider olaraq tamamlasa, elitaya vəsiqə qazanaraq ev oyunlarını Xankəndi şəhər stadionunda keçirə bilər.

Xankəndini təmsil edəcəyi gözlənilən ordu klubu Birinci Liqada qalacağı təqdirdə belə, yenə ev matçlarını bu şəhərdə keçirə bilər.

Bildirək ki, hazırda aktivində 22 xal olan "hərbçilər" Birinci Liqada turnir cədvəlinin ikinci pilləsində qərarlaşıb. "Qaradağ Lökbatan" isə 24 xalla liderdir.

Onu da diqqətinizə çatdıraq ki, Azərbaycan Kubokunun 1/8 final mərhələsində keçiriləcək "Qarabağ" - MOİK matçı Xankəndi şəhər stadionunda baş tutacaq.

Pressing.az