Ötən gün "Qarabağ"ın UEFA Avropa Liqasının pley-off mərhələsindəki rəqibi müəyyənləşib.

Ağdam təmsilçisi 1/8 finala vəsiqə uğrunda Portuqaliyanın "Braqa" klubu ilə üz-üzə gələcək.

Ağdam təmsilçisinin oyunçuları - Kevin Medina və Leandro Andrade ilə yanaşı, "Braqa"nın bir neçə futbolçusunun da meneceri olan Eduardo Oliveyra Pressing.az-a açıqlamasında püşklə bağlı danışıb. O, "Qarabağ"ı doğma şəhərində görməkdən məmnun olacağını bildirib:

"Püşkatmanın nəticəsinə çox sevindim. Braqa doğulduğum şəhərdir. Azərbaycan təmsilçisini burada görməkdən çox məmnun olaram. Leandro Andrade ilə yanaşı, "Braqa"nın bir neçə futbolçusun da menecerliyini edirəm. Bu, mənim üçün ikiqat xoş təsadüfdür. Hər iki komanda yaxşı formadadır. Həm "Qarabağ", həm də "Braqa"ya uğurlar arzu edirəm".

Bildirək ki, "Qarabağ"ın "Braqa" ilə ilk oyunu 2024-cü il fevralın 15-də səfərdə keçiriləcək. Tərəflər arasında cavab qarşılaşması isə fevralın 22-də Bakıda baş tutacaq.

Daşqın Əziz