Bu gün Qətərdə təşkil olunan DÇ-2022-də yarımfinal mərhələsinə start verilib.

Pressing.az xəbər verir ki, ilk oyununda Argentina və Xorvatiya yığmaları üz-üzə gəliblər."Lusail" stadionunda keçirilən qarşılaşmada Argentina 3:0 hesabı ilə qalib gəlib və ilk finalçı olub.

Argentina mundialın həlledici qarşılaşmasında Fransa - Mərakeş duelinin güclüsü ilə üz-üzə gələcək. Xorvatiya ilə 3-cü yer uğrunda görüşdə sözügedən duelin məğlubu ilə qarşılaşacaq.

Qeyd edək ki, yarımfinalın digər matçında sabah Fransa millisi Mərakeşi sınağa çəkəcək. Final oyunu isə dekabrın 18-də olacaq.

DÇ-2022

Yarımfinal

13 dekabr

23:00. Argentina - Xorvatiya - 3:0

Qollar: Lionel Messi, 34-pen, Xulian Alvares, 38, 69

Baş hakim: Daniele Orsato (İtaliya)

"Lusail" stadionu