Elmar Baxşıyev: "Komandanı formalaşdıraq, sonra hədəfdən danışarıq" – MÜSAHİBƏ

"Qəbələ"nin baş məşqçisi Elmar Baxşıyev dünən "Sabah"la keçirilən yoxlama matçından (2:2) sonra Pressing.az-a müsahibə verib.

- Hazırlıqlar necə gedir? Komandada bu qədər gedişlərin olacağını gözləyirdiniz?

- Ümumi plan üzrə hazırlaşırıq. Ayın 24-ü komanda Qəbələ toplanışına start verib. Bilirdik ki, oyunçuları saxlamaq çətin olacaq. Hamısına yaxşı təkliflər var idi. Bu, futbolda qaçılmazdır. Futbolçuları da anlamaq olar. Daha yaxşı şərtlərə qaçırlar. Ümumi görürəndə hələ tam komplektləşməmişik. Qarşıdakı günlərdə yeni transferlər gözlənilir. Öncə komandanı yığmaz lazımdır, daha sonra iddiadan danışmaq.

- Neçə transfer nəzərdə tutulub?

- Geən oyunçuların yerini doldurmaq mütləqdir. Say olaraq çox azıq. 

- Rövlan Muradovun gedişi sizi təəəccübləndirdi? Digər futbolçulara baxanda iddiasız kluba getdi sanki...

- Bu, onun qərarıdır. Rövlan mövzusu bağlanıb. Bu barədə danışmaq itəmirəm.

- Yeni transfer olunan legionerlər haqda fikriniz necədir?

- "Sabah"la yoxlama matçında Ahmed Ayzaya iştirak edridi. Lukas Afriko fərdi qaydada hazırlıq keçir. Zurab Oçiqava isə zədəsini müalicə edir. İnanıram ki, o da komandaya öz gücünü qatacaq.

- Bu matçda "Sabah"ın futbolçusu İdris İnqilablı sizin komandada oynadı. Səbəb nə idi?

- Sayımız az olduğu üçün bizdən oynadı.

- Transfer planınızda var?

- Bu, müzakirə mövzusu deyil. Əgər planımızda olsa, "Sabah"a rəsmi müraciət edəcəyik.

- Konfrans Liqası ilə bağlı planlarınız nədir?

- İlk plan komandanı formalaşdırmaqdır. Nə qədər tez formalaşdırsaq, sonra oyun barədə danışa bilərik.

- Bəs hədəf?

- Komandanı formalaşdıraq, sonra hədəfdən danışarıq.

Elsevər Muradzadə, Bakı-Qəbələ