“Team Coop – Repsol” komandasının norveçli velosipedçisi, 25 yaşlı Andre Drege “Tour of Austria”nın dördüncü mərhələsində vəfat edib.

Pressing.az xəbər verir ki, Drege Qrobqlokner dağında yıxılaraq aldığı xəsarətlərdən ölüb. Hadisədən sonra bütün mükafatlandırma mərasimləri ləğv edilib. Bundan sonra final mərhələsinin keçirilməsi şübhə altındadır.

“UCI, Avstriya Turunda velosipedçi Andre Dregenin ölümü ilə bağlı xəbərdən şoka düşüb. Qəlbimiz onun ailəsi, dostları və komanda yoldaşları ilə birlikdədir”, – deyə Beynəlxalq Velosipedçilər İttifaqının bəyanatında deyilir.