"Liverpul"un və Portuqaliya millisinin üzvü Diogo Jota faciəvi şəkildə həlak olub.

Pressing.az xəbər verir ki, 28 yaşlı vinger bu gün səhər İspaniyanın Zamora əyalətində avtomobil qəzası keçirib və qardaşı ilə birlikdə dünyasını dəyişib.

Yol-nəqliyyat hadisəsi A-52 magistralının 65-ci kilometrliyində, Palasios-de-Sanabriya bələdiyyəsi ərazisində baş verib. Futbolçunun 26 yaşlı qardaşı Andre ilə birlikdə olduğu avtomobil yoldan çıxaraq aşıb və yanıb.